近日有脫星對XBIZ成人新聞網站爆料，話受到美國一間銀行無故關閉個人戶口。呢位「受害者」就係一線脫星Teagan Presley，阿姐懷疑係因為工作性質受到對方歧視，更對記者話曾經致電有關銀行了解事件，無奈對方無法解釋原因，只表明喺5月11日就會關閉戶口，激到阿姐火都嚟！Teagan姐除咗向傳媒出示銀行寄畀佢嘅信件，同時表示該戶口只作一般網上雜費交易、交租、交罰款等，認為銀行Close佢戶口呢個行為實在太無理，有歧視脫星之嫌！其實除咗Teagan之外，另一位冒起新星Dakota Skye喺Twitter話遭遇同一情況。記者詢問過律師，對方話以往都有脫星被銀行關閉帳戶而提出控訴，不過銀行方面必定有理由提供，好似今次Teagan姐嘅情況乜都冇交代，實屬少見。