近年好多酒吧都設有飛鏢機嘅玩意，據講培養咗唔少喜歡擲鏢嘅高手，原來呢種風氣唔止香港盛行，喺內地亦一樣大受歡迎，有唔少內地「鏢客」嚟香港時，都會專登去有鏢玩嘅酒吧交流一下技巧同心得。而澳門亦一樣，除咗酒吧加設鏢機外，多間夜總會都唔例外，好似龍會就喺佢哋嘅VIP房裏面放置咗飛鏢機，據講不知幾咁受歡迎，啲客人一見到就想喺囡囡面前大顯身手，事關平時喺酒吧擲鏢，擲中高分區冇人會歡呼大叫，但喺夜總會玩，啲囡囡見你擲中紅心區已經尖叫，你連擲得兩三鏢，啲囡囡簡直為你瘋狂，滿足感自然大增，於是愈落力擲，囡囡就愈興奮。但喺夜總會玩鏢係要畀錢嘅，同街機一樣，按局收費，而且有啲場嘅收費比街機貴好幾倍，但如果客人係包房嘅，預咗畀一定數目嘅消費額，咁鏢機就會開放畀你任玩。嚟得夜總會，醇酒美人等住你，又點會只掛住擲鏢吖！