渡海濠情：職業伴娘 劈酒專家
近年內地興起一個新工種叫做「職業伴娘」，乜嘢要求都唔使，最緊要「傍」住新娘免佢喺婚宴中蝦碌； 此外就係要負責頂酒，有時新郎唔掂，佢哋都要出手相助，而嚟自大富豪桑拿嘅小燕就話，呢種工作開正佢嗰瓣！
度身訂造
小燕話：「我最喜歡熱鬧，所以只要有親朋好友結婚我一定逢請必到，逢到必早，有時朋友嘅朋友擺喜酒，我都喜歡跟埋去湊吓熱鬧，所以婚宴嘅程序，無論中式西式，我都可以如數家珍，所以我曾經諗過日後開間婚禮統籌公司，但由於成本實在太高，於是想過當大妗姐，但又覺得我咁後生，做都唔似！咁啱家陣有『職業伴娘』，絕對係為我度身訂造，晚晚有得高高興興，而且仲有錢收，仲有乜嘢工可以相比？而最正就係可以飲酒！」
不好插手
乜你好喜歡飲酒咩？小燕話：「我自小就喜歡陪啲長輩飲酒，漸漸酒量愈嚟愈好，而且酒膽亦大增，平時同朋友飲酒，我喜歡淺酌細飲，但如果有人挑釁鬥酒，我實會睇唔過眼，第一時間同佢哋鬥過，雖然談唔上千杯不醉，但由於日子有功，所以好多男人都唔夠我嚟，特別喺婚宴上，我最討厭灌新娘新郎飲酒嘅客人，但我都係客人身份，有時不好意思插手，但家陣名正言順做伴娘，替新人頂酒絕對係天經地義，諗起都開心，大家即管放馬過嚟！」
小燕Profile
年齡：21歲
三圍：34-23-34
撰文：小德
攝影：阿昌