模影模蹤：專訪火辣主持艾美琦

介紹咗咁多外地嘅模特兒，今日就介紹個本地薑畀大家認識，佢就係now903（成人極品台）最新節目《曳曳教室》嘅女主持艾美琦，英文名Amy。她曾經係女子組合AD2嘅成員，最近才開始單飛發展！

睇AV偷師

Amy大約2011年入行，同其他美少女一樣，最初做吓私拍模特兒，賺吓外快，後嚟膽子愈嚟愈大，參加咗一個水着選美比賽，得到第三名，由於多咗好多人認識，於是正式入行做模特兒，期間更接咗好多活動騷，同埋做過不少網台節目嘅嘉賓，所以練得口齒伶俐，最近now903（成人極品台）製作組更力邀佢做主持，喺新節目中飾演Miss Amy嘅角色，大談各類曳曳用品嘅心得，問佢會唔會攞啲用品試吓？佢話：「如果有需要，當然會啦！」再問佢有冇睇日本AV片從中偷吓師？佢話：「一定會，而我最喜歡嘅AV女優就係沖田杏梨同埋辰巳唯，遲吓極品台會推出呢兩位『豪情女優』嘅作品，大家一定要捧場呀！」咁識得做人！睇嚟冇搵錯你做女主持！

身材堅料

難得有性感美女嚟做訪問，於是替讀者問咗兩個問題？第一就問佢家陣有冇男朋友？同埋喜歡邊類男仔？Amy話：「暫時處於空窗期，等緊愛我又夠專一嘅男仔出現！」認真浪漫！再問佢身材咁好，胸部有冇僭建？我當時真係冒住畀佢摑嘅危險，點知佢竟笑笑口答我：「當然冇啦！如果真係去隆胸，一定會有咁大隆咁大，至於其他女性，我都唔反對隆胸，最緊要係自己開心嘛！」而最後問Amy未來嘅發展？佢話：「除咗做主持外，我仲係一位夜場DJ，喺港澳同內地都主持過活動，而自己比較喜歡拍戲，最近兩套上影嘅港產大片，我都有份演出，雖然只係小角色，但都好認真咁去做。」相信以Amy嘅拚搏精神，將來發展一定會更好更順！