18歲卜卜脆嘅青春美少女係男人都鍾意，但係成熟又具韻味嘅女性一樣有其攝人魅力，來自意大利嘅羅拉安東妮莉（Laura Antonelli），就係最佳例子嘞。
正所謂日日運動身體好，大家睇吓年過四十身材依然弗到漏晒油，迷倒萬千男兒嘅韓國藝人鄭多燕就知喇，同佢一樣成日做運動嘅知名意大利艷星羅拉安東妮莉，同樣憑住極品身材以及韻味特濃嘅面孔而紅極一時。羅拉喺1941年誕生於意大利城市普拉，據講佢細細個就已經跳跳紮，熱愛各種運動，亦由於成日做運動，發育得相當良好，長大成人之後更加擁有一副苗條嘅好身材，其天然又豐滿上圍認真迷死人。羅拉嘅第一份工作就係體育老師，後來因為身材出眾加上氣質不凡，被廣告商睇中搵佢拍汽水廣告。憑此嶄露頭角嘅羅拉就喺1965年演出嘅首部電影《Le sedicenni》，正式踏足電影界，展開其經典艷星之路。
拍完第一部電影後，羅拉雖然陸續拍咗唔少電影，但係仲未有一炮而紅嘅機會。到1973年，即係佢32歲嘅時候，羅拉憑住喺《Malizia》入面扮演保母精湛又誘人嘅演出而闖出名堂，更得到意大利電影金像獎嘅大衞獎。喺呢部作品當中，羅拉盡展成熟端莊嘅韻味，得體大方又服從之餘，卻又不時露胸露底誘惑主人及一班少主人，觀眾個個睇到血脈賁張，因為我哋總會經歷過情竇初開，對性事充滿好奇嘅時候。除此，羅拉喺戲中仲三點盡露，將其豐滿巨乳表露無遺，令人目瞪口呆，此後遂成為意大利電影界嘅性感標誌。羅拉出道以來直至1991年，總共拍過45部電影，而當中好多都扮演少婦、教師等成熟角色，同佢本身嘅氣質相配，鍾意成熟性感女星嘅朋友一定唔好錯過。
撰文：賢