每當諗到字母O時，總會聯想起潮語O嘴，而講到O嘴便會想到經典吹氣公仔O嘴瑪莉，其實喺情慾世界中，仲有其他有趣又誘人嘅O，當中有啲你可能聽過，亦有啲係你估都估唔到嘅，以下會逐一介紹，讓大家進入情慾字海中。
講起小澤圓，不論係咪AV迷都一定聽過。呢位出生於1978年3月3日嘅日本AV女優，自1996年出道加入當年AV界巨頭之一宇宙企劃以嚟，其作品屢創銷量紀錄，因此有AV界女王之稱。及至2004年引退期間，小澤圓共拍攝過百套嘅作品。不過佢最為人所熟悉嘅卻係佢加入AV界嘅理由，事關家境唔錯嘅佢，當年以貪玩嘅理由而成為AV女優。小澤圓嘅魅力唔單止在於AV上，喺1998年時佢拍攝香港三級片《偷情男女》而為港人所認識，其後喺2000年宣布引退後，喺2001年9月短暫復出，並為MOODYZ拍攝AV作品《新 ·小澤圓》，及至2004年4月再次引退並轉行做作家。
對於男士嚟講，英國嘅曼徹斯特除咗足球出名外，佢嘅膝上舞夜總會亦相當聞名，而當中最為知名嘅夜店就要數呢間Obsessions Gentlemens Club。呢間以全裸膝上舞作為招徠嘅夜總會，位於曼徹斯特嘅市中心區，佔地極廣嘅佢不但有一個巨型嘅圓形舞池，畀男士可以喺近距離下欣賞誘人艷舞，而豪華嘅裝修更畀到男士優質嘅享受。當然，作為膝上舞熱點，一眾索爆女郎同樣重要，配合佢哋高超及極具挑逗性嘅舞蹈，加上台下嘅貼身演出，叫一眾男士興奮無比！
網址：www.obsessionsclub.co.uk
雖然喺戀物世界有各種奇怪嘅性癖好，但講到核突嘅話，Oculolinctus一定係其中之一，而所謂嘅Oculolinctus解作舔眼癖，有呢種癖好嘅人會透過舔或被舔眼球，從而得到性高潮，係咪好核突呢？講到呢種古怪嘅癖好，早排網上就曾經流傳指日本有學生鍾意呢種玩法，覺得好有趣同埋跟得上潮流，其後被揭發只不過係一場騙局。當然，呢種玩法實在唔值得提倡，皆因專家指舔眼球時，有機會令眼部出現感染，甚至出現角膜磨損及潰瘍，嚴重者更有致盲嘅風險。
若然上去外國情色網站嘅話，就會發現經常出現Orgy呢個詞語，究竟乜嘢叫做Orgy呢？其實解作群體曳曳，即係大雜燴咁解。有動物學家指，群體曳曳可以喺好多動物身上搵得到，皆因咁樣可以提升雌性動物受孕機會。講到Orgy嘅世界紀錄，就要數喺2006年5月，由日本著名AV大廠SOD所推出嘅作品《人類史上初！！500人SEX！！》！事關SOD為咗拍攝呢個史無前例嘅超大型群體戰，搵咗250對男女同處一個貨倉內激戰，不但刷新最大型群戰嘅世界紀錄，更喺同時獲得日本AV Open情色電影評審團特別大獎。
唔少人以為四仔係低成本嘅作品，查實呢種諗法大錯特錯，皆因唔係每套四仔都係咁低成本，好似喺1976年推出嘅經典作品《Opening of Misty Beethoven》咁，當年就以過百萬嘅投資，並且喺巴黎、紐約同羅馬拍攝而成。故事靈感嚟自《窈窕淑女》嘅佢，講述一位妓女經過調教後，點樣成為床上激情女神。呢套四仔除咗取景豐富外，更大玩音樂劇元素，並請專業音樂人嚟炮製作品嘅配樂及歌曲，絕對係誠意十足。難怪作品推出後不但叫好又叫座，並喺當年嘅美國成人電影協會頒獎禮中囊括最佳演員、導演、攝影、演出及剪接五個大獎。
咪以為歐美四仔界係青春索女嘅世界，好似人氣脫星Ona Zee咁，當年就以30歲「高齡」加入脫星行列，並且以熟女形象征服一眾四仔迷。喺1954年3月3日出生嘅Ona，唔單止憑住一把黑髮而迷倒眾男士，佢38、26、36嘅魔鬼級數身材，更係令佢輕易吸引男士嘅目光。喺入行前一直從事脫模工作嘅Ona，自1985年出道至90年代初引退期間，共拍攝超過300套作品，當中絕大部分以慾望熟女形象為主，並分別喺1989年同1992年嘅AVN頒獎禮中，得到最佳女主角大獎，又喺1993年嘅AVN頒獎禮中得到最佳女配角榮譽。除咗演出四仔外，Ona亦開設四仔製作公司及經營珠寶生意。
撰文：魂