如果未聽過谷直美呢位日本愉虐系艷星個名，咁由日本作家團鬼六所著作嘅愉虐戀色情小說，並喺1974年6月22日上映嘅電影《花與蛇》，相信大家一定聽過，而谷直美就係喺作品中，飾演遠山靜子呢個超人氣角色。其實早喺佢演出《花與蛇》前，谷直美已經以愉虐藝人姿態活躍於日本情色電影界。1948年10月20日出生嘅佢，喺1967年嘅處女愉虐電影《特別》中登場，其後嘅作品《奴隸未亡人》、《生贄夫人》、《黑薔薇昇天》等均以綑綁、愉虐等演出為主，不但得到團鬼六認同佢嘅演技，更得到「愉虐女王」稱譽。谷直美喺1979年引退後，先後經營餐廳、俱樂部等生意，及至2013年宣布退休。