好多女人都話唔介意另一半去滾，最緊要係滾完識得返屋企，同埋滾咗都唔好畀佢知。之不過，好多男人卻係滾得唔小心謹慎，露出蛛絲馬迹畀女方發現，結果搞到唔知點收科。而男人唔小心嘅嘢唔單只係去滾，用手機亦一樣。最近，美國一個M字頭嘅網絡保安公司就呢個主題進行調查，發現有一半美國人會用智能手機收發色情資訊，同時會將色情資訊嘅內容，例如相片、影片同訊息儲存於手機當中。若然你以為咁冇問題，手機設有密瑪，唔會咁容易畀伴侶發現，咁就大錯特錯喇！因為調查發現有4成美國人會將手機密碼同其他人分享，更加有百分之二十七嘅人唔會為手機設定密碼，呢啲男人咁唔小心，好容易畀女友或老婆發現手機內嘅色情內容，繼而大發雷霆！