有人話通脹猛如虎，我覺得加稅更加兇猛，因為物價上升最多減少消費，但係就唔可以唔交稅。喺日本方面，剛啱增加銷售稅，為咗迎戰呢隻猛虎，當地最近就有文章推介男士利用各種途徑搵快錢，當中包括拍AV！
為面對銷售稅增加問題，日本一個媒體就進行深入探討，並且推介幾個男士專用嘅可行方法搵外快，除咗在家進行裸聊工作，還建議佢哋協助AV拍攝。該報道表示由於租金昂貴，所以日本好多AV廠都會公開招募市民提供住房作為拍攝場地，如果願意出鏡的話，仲可以做埋素人男優同AV女優肉搏添！租金方面，以一間只有約4張榻榻米大小嘅套房為例，AV廠會付出20,000日圓，拍攝時間只需3小時左右，真係出街食個飯返嚟就已經完事有錢收，的確係一條財路。
之但係，唔係人人自己租房住，有啲同家人同住，有啲同朋友合租一間房，甚至與女友同居，唔方便租房畀人拍AV，咁又可以點呢？冇問題！因為仲有一個方法，就係索性自己去拍AV喇！大家唔好會錯意，唔係話出賣色相做AV男優喎！而係扮演AV作品當中嘅路人甲乙丙咋！日本AV有唔少作品都需要呢啲角色，例如巴士癡漢系列，通常都安排女優搭公共交通工具，為咗令場面更寫實，AV廠就會請臨時演員扮乘客，佢哋只係需要坐定定，做平常搭車時做嘅事就可以，完全唔需要同女優有任何身體接觸，所以就算畀屋企人知道拍AV亦唔會有投訴啦！酬勞方面，拍攝4小時就有5,000日圓，即係約400港元，都叫做搵到兩餐幫補家計喇！
撰文：賢