性同愛人人都有需要，咁性教育係咪應該要免費教育呢？可能你未必認同，但美國明尼蘇達州一間叫The Smitten Kitten性商店嘅老闆娘Jennifer Pritchett就認為有咁嘅需要！Jennifer亦係性教學活動創辦人，佢有感全球正確性知識不足，為求更普及推動性資訊，阿姐願意自掏荷包，資助大家參加免費活動，同時佢更身體力行，邀請全國曾獲獎的性教育工作者到佢間店舖，定期為有志學習高品質性教育嘅男女開講座，頭炮將於4月17日舉行，題目為「Partners in Passion」，只要你年滿18歲，不分國籍膚色男女都可以報名參加，課程由淺入深，有興趣就唔好錯過啦！
撰文：祖
網址：www.smittenkittenonline.com/events
各位靚女如果電腦壞咗，拎部電腦去維修時，真係要小心呀！話說倫敦有個30歲電腦維修員，喺幫客人維修電腦期間，會植入一啲木馬程式，之後佢就可以透過網絡遙控你家中部電腦，最重要就係佢可以喺你不知情嘅情況下，都可以啟動你嘅視像鏡頭，一般女生都喜歡放電腦喺房間，維修員就猶如親臨閨房一樣，睇晒囡囡換衫，或者同男朋友親熱嘅畫面。不過，呢名維修員上得山多終遇虎，佢嘅惡行被網絡警察發現，據報有3名靚女就畀佢長期監視兼偷窺，最長時間一個竟達15個月，真係乜都畀佢睇晒！而且唔只個人欣賞，佢仲將照片放上網，亦因為佢長期有裸照放上網，所以引起網絡警察嘅注意，繼而展開調查。其實要駭入別人電腦，唔一定係電腦維修員，所以奉勸大家要小心，否則後果自負！
撰文：小德