模影模蹤：Jo Louise 回頭太難

難抵誘惑

超嫩口裸模Jo Louise一半英國另一半西班牙血統，難怪相頭同波哋都咁齊料！但阿妹話自己從不貪慕虛榮，18歲前都係想做化妝師，畢業後亦修畢專業化妝課程，順理成章入行做化妝，無奈最終抵受唔住誘惑，變身一脫！Jo Louise話當日跟化妝師實習，任何Model類型工作都有接觸過，當中最多性感裸模，眼見佢哋質素平平，但經過化妝師妙筆一揮及攝影師左度右度之後，豬扒都即時變女神！亦喺工作期間，Jo Louise話不少同行都欣賞佢極有條件做Model，心郁郁就想試驗一下，但當時嘅佢根本無諗過會接受裸露，直至替性感車模雜誌拍寫真後，外界回響極大，傳媒喪搵阿妹做封面及專訪，Jo Louise就明白自此已回頭太難！

人氣高升

一次成功並唔算係乜，打後日子Jo Louise多次出現喺汽車雜誌，更奪得雜誌舉辦嘅車模選舉Miss Fast Car 2010冠軍，獎項除對阿妹一個肯定，更令佢有勇氣踏前一步，進軍裸模之路。同年Jo Louise先後露兩球出現於英國多本男性雜誌Nuts、Zoo、FRONT及FHM UK等，甚至連南美版FHM、西班牙版MAXIM及美國版Playboy都有佢封面，人氣可謂一時無兩！綜合阿妹過去兩年裸模經歷，外界對佢總係有讚無彈，攝影師大讚佢有專業美感，擺甫士自動波，記者就話佢為人超Nice，面對敏感問題都有問必答，而邀請阿妹影裸照更係非常抵玩，事關佢表示過去拍寫真，九成都係自己化妝及Set頭，連請化妝師都慳番喎！家陣Jo Louise喺裸模界搵到食，其他範疇都大把人爭，手頭攬住三間內衣Model合約，得閒又影吓潮流寫真，聽聞仲有上電視做客席主持兼拍MV添！錢一定賺唔少啦！

好料推介

簡介：Jo Louise官網並非用嚟搵銀，只係想話畀各位知佢喺Model界有幾勁幾威，過去大小雜誌封面、專訪，遠至南美、西班牙、意大利及英國都見到阿妹蹤影，間唔中有阿妹以文字抒發個人感受，值得一睇！

網址：www.jo-louise.co.uk

Jo Louise's Profile

出生日期：1987年4月7日

三圍：32C-22-32

身高：5呎6吋

撰文：祖