近期韓劇爆紅，韓國歌唱組合一樣大受歡迎，好似早前男子組合EXO來港便引起一陣哄動。之不過，韓國歷來唔少組合都係快來快去，紅完之後好快就消失，咁佢哋去咗邊呢？最近傳出有女子組合成員去日本拍AV！
韓流吹襲亞洲，中港台掀起煲韓劇熱潮，同時歌唱組合亦勁受歡迎。之不過，唔知係我哋記性差，定係韓風持久力不足，熱潮好快就過，繼而令人遺忘。事實上，喺韓國本土亦有此情況，更加出現「嫌韓」一詞，意思即係韓國人都唔鍾意見到咁多組合出現，其中一個原因係每隊組合都差唔多款，成員個個都差唔多樣，完全冇個性可言，表演嘅時候亦相差無幾，唔睇到厭就奇啦！就係因為咁，韓國歌唱組合紅得快，亦消失得快，最近更加有傳聞指出有韓國女子組合將會登陸日本，不過唔係進軍當地藝能界，而係AV界呀！
據日本雜誌《週刊實話》爆料稱，韓國藝能界出現崩潰情況，除咗有「嫌韓」出現，有指歌唱組合嘅人工太低，而去到日本演出，出場費則比韓國高達10倍，令韓國歌唱組合好鍾意去日本搵銀。加上傳聞話韓國女歌手要爭取演出機會，更要付出不少代價，該報道同時表示某曾經紅到爆燈嘅組合，將會轉戰AV界，實行直截了當賣肉搵食。雖然報道講到似層層，但係仲未有消息可以證實到。其實，韓國女藝人去日本拍AV近年亦不少見，好似AV廠「妄想族」4年前就接收過過江搵食嘅韓國女歌手，據聞反應只屬一般，不過如果呢兩個女子組合真係下海的話，相信一定會為日本AV界帶來超級震撼。
撰文：賢