模影模蹤:乳溝女神桓淼淼

記得上屆世界盃有個女球迷,喺乳溝上插部手機隨即聲名大噪,而最近內地同樣有位巨乳美女,插咗盒紙包飲品喺乳溝上,仲一口氣自拍咗輯組圖,可唔可以出位就未知,但佢個名隨即街知巷聞,佢就係桓淼淼。

勇奪冠軍

嚟自南昌嘅20歲美女桓淼淼,原名桓彩雲,擁有35吋G級無敵上圍,喺上海海事大學讀書,唔通佢想做海員?咁靚女都係做演員適合啲喎。話說佢當初啱啱由老家嚟到上海讀書,就膽粗粗跟人哋去車展做騷女郎,雖然乜都唔識,但淼淼憑着驕人身材,就算着件普通嘅制服,都掩飾唔到佢嘅豐滿身材,所以馬上被人發掘,喺2011年上海車展同埋2012年北京車展,佢都有份代表名牌車廠擔任車模工作,之後更喺2013年參加中國好身材模特兒大賽,憑其178cm身高,24吋小蠻腰,配埋一雙導彈級巨乳,最後艷壓群芳,勇奪大賽嘅冠軍殊榮!

工作不斷

由於淼淼擁有完美身材,所以搵佢拍攝性感寫真嘅朋友,更係絡繹不絕,因此除咗令淼淼工作不斷,豬籠入水之外,網絡上更流傳不少淼淼嘅性感寫真,輯輯都十分精彩,性感度爆燈,不少作品更係全裸演出,一啲都唔錫身,令人驚喜之餘,少啲定力真係睇到啲宅男鼻血長流。淼淼近年除咗拍平面照外,亦開始投身影視工作,但由於唔係科班出身,從未受過表演訓練,所以目前都係做啲客串角色,但其表現早已經令人刮目相看,加埋最近嗰輯自拍嘅「飲奶奶」艷照,網友即時爭相轉貼,令佢喺網絡界人氣大升,不少人仲封佢做女神,淼淼今年真係想唔紅都難!

專屬微博

簡介:以下係桓淼淼嘅官方微博,裏面收藏咗不少超性感寫真同埋自拍照,值得推介畀大家。

網址:http://weibo.com/u/5025404692

桓淼淼Profile

出生地:南昌

三圍:35-24-35

身高:178cm

撰文:龍四海