每個人都有不同嗜好，例如有人鍾意睇鹹片，其實只要適量同處理適當，唔好將現實同鹹片當中嘅情節混淆，就冇問題。當然，睇見鹹片嘅「動作場面」如此刺激又過癮，相信唔少男人都好想試一試。美國有個調查就發現受訪嘅男士當中，有85%表示上床嘅時候會參考鹹片嘅動作體位。另外，美國一本女性雜誌早前就搵來4,000位男士及女士進行訪問，結果發現有32.5%男士直認每日都有睇鹹片，至於女士就只有3.8%。問到男士心儀嘅女優要有咩條件，鍾意年輕、大胸、纖瘦、巨躉嘅分別為47.4%、40.1%、38.9%以及30.8%。此外，有85%男人就想同女伴模仿鹹片嘅情節同動作，至於60%嘅女士亦想一試，之但係冇開口同男伴講。另外，如果新認識嘅男友有睇鹹片習慣，女友又介唔介意呢？有68.3%嘅女士話唔介意，而有14.1%女士更表示會同男友一齊睇鹹片添！照咁睇嚟，家陣嘅女士對於鹹片接受程度高咗好多，可以同男伴一齊睇，一齊參考喇！