好多自稱鍾意巴黎嘅女士，總會話自己有幾咁鍾意當地嘅文化，點知講多幾句之後，查實係鍾意巴黎嘅名牌至真。不過，人氣脫模Aspen Parker對巴黎嘅熱愛程度並非如此膚淺，而係真正愛上法國文化。
今年23歲、出生於美國嘅美少女Aspen Parker，原名April Lynn Garten，喺2009年出道嘅佢，當年憑住青春及娃娃臉，加埋纖幼蛇腰而深得男士歡心，至今阿妹推出過20輯寫真，咪以為佢嘅人氣唔夠高，事關除咗拍攝寫真外，Aspen亦經常替各大美國男士及汽車雜誌當封面女郎，同時又擔任展銷會嘅Show Girl。不過，原來Aspen投身脫模界之前，一心諗住從事藝術工作，並喺大學嘅藝術學系修讀攝影學位。其後經朋友介紹，加上為咗搵錢交學費，阿妹決定豁出去當脫模，並喺機緣巧合嘅情況下，成為現今炙手可熱嘅脫星之一。
問到Aspen點解會選讀攝影時，佢解釋話好鍾意外國嘅文化，所以經常到外地旅遊，當中尤以巴黎更係佢夢寐以求想去嘅地方。唔少人聽到Aspen表示酷愛巴黎，總會覺得佢只不過係消費主義者，點估得到佢為咗去巴黎，會花上1年時間學習法文及鑽研當地文化，亦可能係咁嘅緣故，令Aspen擁有一份獨特嘅氣質。Aspen表示佢最愛巴黎嘅時尚同藝術共冶一爐嘅特殊文化，令佢覺得相當有趣。阿妹又話，除咗巴黎係佢嘅夢想之地外，日本係佢另一個想去嘅地方，一來佢欣賞當地嘅傳統文化，二來壽司係佢最愛嘅食品，故此Aspen稱若然有機會嘅話，一定會去日本旅遊，甚至定居一段時間。
簡介：雖然Aspen工作多多，但閒時亦鍾意留連社交網站，同網友分享自己近況。此外，佢亦鍾意將自己嘅生活照上載。如果想知道呢位迷人索女最新動向或想同佢傾偈嘅話，可以上佢個Twitter。
網址：https://twitter.com/aspenparker
出生日期：1991年1月4日
身高：5呎6吋
三圍：32、24、34
撰文：魂