現時好多消費品都會搵明星名人做代言人，但搵到來嘅代言人是否合適真係見仁見智。不過，好似紺野美久呢位代言人就絕對稱職，因為佢代言嘅係男性滋補保健食品，見到佢又索又好波，就已經有壯陽功效啦！
現時日本最具話題性嘅性感女星一定就係壇蜜，雖然壇蜜已經年過30，但係憑住妖媚風騷嘅演出以及火辣胴體，令佢經常成功製造話題見報，大大增加曝光率。不過，同壇蜜實力相當嘅水着妹其實大有人在，紺野美久就係其中一位，而佢亦不時表示自己絕對唔會輸畀壇蜜。今年26歲嘅美久出道拍寫真都已經有４、５年時間，由當初嘅活潑天真，蛻變為家陣嘅成熟綺麗兼帶妖艷迷人。除咗氣質改變，美久嘅身材亦比前苗條，之但係腰圍幼咗，達到F-Cup嘅豐滿上圍卻冇變，一樣咁飽滿堅挺，深溝誘人，加上肌膚細緻白滑，的而且確同壇蜜旗鼓相當，好難分出高低。
紺野美久嘅藝能經歷其實亦同壇蜜好相似，大家都係拍寫真出身。而經過一段日子奮鬥，成績都未算好理想，故此美久同壇蜜一樣漸漸由純情走向激情，拍寫真DVD嘅時候趨向挑戰尺度，兼且玩自摸或擘腿，最後盡地一煲拍全裸寫真博上位。雖然美久剝完之後冇壇蜜咁成功，可以勇闖電視圈以及成為電影女主角，但係其努力都總算冇白費，至少有份參與網上電視節目《月刊清水清太郎》作長期客席主持。另外，美久嘅豐滿胴體亦令佢被某藥局睇中，呢間藥局專門出售壯陽保健食品，搵美久做代言人肉誘男顧客絕對係明智之舉。而美久近期經常以代言人身份去到藥局嘅不同分店推售產品，為客人壯陽滋補。
紺野美久恨上位恨到發燒，所以自己一有機會為雜誌、電視節目演出就喺博客公布，大家想知道美久近期多唔多曝光機會，就要留意其博客喇。
網址：http://ameblo.jp/konnomiku/
年齡：26歲
身高：5呎4吋
三圍：36F-24-35
撰文：賢