家陣女士們去美國麻州認真要小心喇，因為當地最高法庭裁定偷拍裙底照不屬違法。話說有個麻州癡漢，喺波士頓搭地鐵時用手機偷拍咗多輯裙底照，最後被捕及判罪，但佢唔服判決，向高等法院提出上訴，點知高等法院法官竟然判佢勝訴，法官判詞話如果有人偷拍他人全裸或半裸嘅照片或影片，是法例禁止嘅，但如果被拍攝者身上有穿着衣服，就算係裙底照，則不屬違法，於是判呢條癡漢無罪釋放。消息傳出後，當地婦女團體立即齊聲譴責，話裁決未能保障女性；另一邊廂，以後癡漢偷拍裙底照等同有免死金牌！希望當地快啲修改法例，咁至真正保障到女士們呀！