澳吧吧：濠江西班牙氣息

唔少人以為酒吧燈光一定昏暗兼音樂勁嘈，其實酒吧都有好多類型，唔少仲有相當特別嘅氣息，好似位於澳門氹仔舊城區嘅西班牙酒吧Casa de Tapas，就畀人一種悠然自得嘅感覺。特意選喺葡式歷史建築開業嘅它，雖然外觀葡味甚重，但裏面卻散發住濃厚嘅西班牙風情，光亮嘅吧枱加上特色嘅西班牙佐酒小食，配合埋西班牙式嘅室內裝修，令人恍如置身鬥牛國。酒吧設有特色酒窖供人挑選心儀美酒外，亦有唔少靈感嚟自西班牙嘅清新飲品。此外，店內仲有各種西班牙特色美食，絕對唔可以錯過！