以前去夜場玩，除咗純酒美人外，精美小食一樣令人難忘，當年每間夜總會總有幾味拿手小菜，食過都回味無窮。但家陣返內地玩，無論個場幾大都好，好多都冇廚房，多數只提供冷盤小食，部分就會幫你喺附近買，但買到嚟都冇晒鑊氣啦！至於仍然保持有美食供應嘅夜場，除咗澳門，其他地方真係好少有。其中，澳門九號會所就最多撚手美食，好似今日介紹嘅香酥雞軟骨，外脆內嫩，粒粒甘香可口，油溫控制得啱啱好，食落一啲都唔油膩，加上大廚秘製嘅調味粉，就咁食已經嗒得杯落，真係停唔到口，大廚另外仲秘製多一種泰式酸辣汁，一味菜兩種味道，啱晒送酒，單係為咗消滅呢碟雞軟骨，我就飲咗大半打啤酒，仲貴過碟餸，但唔一邊飲一邊食，點對得住自己呀？