以J字為首嘅情色英文固然好多，只係中文嘅情色用字亦同J有不解之緣，皆因每次提起J字，令人不期然諗起男人胯下兵器。點解呢個部位會同J字扯上關係？除此之外，以J字為首嘅情慾英文詞語又有邊啲呢？
我哋成日聽鹹濕網友講「今晚要JJ」或網上求「J圖」，明眼人一睇就知當中嘅J字係同自娛有關，只係呢種行為莫非同重要部位嘅廣東話，係同J字諧音有關？其實呢個J字大有可能同美國俗語中嘅嘅Jerk Off或Jack Off有關係！其意思係解作男性自娛嘅行為，因此大家有可能抽取呢個詞語嘅第一個英文字，亦即係J字作為隱誨地稱呼。不過，其實喺美國俗語中，Jerk Off仲有另一個解釋，就係指冇價值嘅男人。
Jumping on the Grenade呢句說話如果照字面睇嘅話，解作跳上手榴彈，如果真係以為係咁嘅意思就錯晒！事關Jumping on the Grenade又可簡稱做Grenade Jumping，意思係指一個男人為咗幫好友溝到一名醜女身邊嘅索女，於是捱義氣啃咗件豬扒，呢種「自殺式」行為就叫做Jumping on the Grenade。事實上，對男人嚟講，呢種牲小我完成大我嘅行為，猶如主動跳上手榴彈嘅自殺式行為一樣，值唔值得咁做，就要問吓自己同對方有幾老友喇！
Junk in the Trunk唔單止係指擁有大型尾斗嘅貨車，其實亦指擁有巨躉嘅女性，而喺好多英文歌中亦會聽到呢句歌詞。其實擁有巨型臀部嘅女性，唔一定係外形好難睇，相反有唔少脫星憑住巨躉打出名堂，好似人氣蘿霸脫星Alexis Texas就係最佳人辦，身高5呎8吋嘅佢，坐圍有35吋，由2007年出道至今，先後為Reality Kings、Brazzers、Wicked Pictures、Elegant Angle等著名四仔大廠演出。Alexis更喺今年嘅成人界奧斯卡AVN頒獎禮中，由四仔迷投票，奪得最火辣美股大獎，足見佢個豪華臀魅力十足。
城麻美可以話係日本AV界嘅傳奇人物之一，喺1995年以藝名國立亞優子拍攝一輯飲品廣告，憑住雪白嘅肌膚及玲瓏浮凸嘅身材而備受注目。同年改名城麻美，跟AV女優憂木瞳主持深宵情色節目《東京情色派》，以真空圍裙造型撼動一眾男士而成名，其後佢更裸體浸浴介紹電影創下收視佳績。喺推出多本寫真集及AV作品期間，即1997年2月至1998年2月，以藝名佳山由實演出特攝片《電磁戰隊》，飾演邪電王國惡之女幹部一角。喺1998年5月22日推出AV作品《My Pure Lady》後，便淡出AV界及藝能界，結束短短3年多嘅演藝生涯。
要數美國人氣四仔片廠嘅話，主打重口味題材而深受四仔迷歡迎嘅Jules Jordan Video必定係其中之一。以自家名字作為公司名嘅Jules Jordan，喺未成立公司之前，本身係一位四仔演員及導演，其後開始自家製作四仔，只係當時佢靠另一間隸屬於Evil Angel嘅公司John Stagliano Video發行作品。2006年佢自己做埋發行，並且喺2007年設立公司網站。以南加州為公司根據地嘅Jules相當注重自己作品嘅版權，曾於2007年時同大型四仔版商Zero Tolerance因侵犯版權興訟，並索賠1,750萬美元。
網址：www.julesjordan.com
邊個話脫星一定要趁後生先至可以入行呢？好似美國殿堂級脫星Juliet Anderson咁，當年以39歲嘅「高齡」進軍脫星界，並喺四仔界得到極大嘅成就。1938年7月23日出生嘅Juliet，未入行前喺世界各地從事英語教育、播音員、藝術家等工作。1977年返回美國後便當脫模，一年後以藝名Aunt Peg拍攝成人電影《Pretty Peaches》，由於Aunt中文解作阿姨，故此唔少粉絲都暱稱Juliet做阿姨。及至1987年退出脫星界，期間佢拍過超過70部作品。退役後嘅佢從事四仔製片、婚姻諮詢顧問同作者工作，最後Juliet於2010年1月11日逝世。
撰文：魂