AV女優話剝就剝，話做就做，要幾淫有幾淫，但係佢哋咁做之前，都需要一段時間浸淫，我就覺得呢段時間先係最好睇，AV界其實應該開拍女優由唔識做到識嘅記錄式作品，相信更能吸引AV迷注意。呢類作品雖然未面世，但係睇吓市橋直步呢個妹妹發展史亦一樣過癮，因為佢最近不斷挑戰自己嘅好色程度。
日本嘅賽車女郎可以話係全亞洲首屈一指，佢哋個個都美貌吸引，身材又好過人，最正就係佢哋以一身窄身超短裙登場，凸顯一對長腿嘅曲線美。不過，到底係咪要夠高至可以做到賽車女郎呢？梗係唔係啦！好似市橋直步咁樣，擁有標準身材一樣得，而且一樣可以成名，並且殺入藝能界搵食。今年22歲嘅直步樣子可愛又甜美，臉上嘅清新以及天真感覺，仲令人想起初初出道拍電視劇嘅安達祐實，好想將佢一擁入懷細心呵護同錫錫。以前係賽車女郎，家陣就已經全力向藝能界發展嘅直步同其他RQ唔同，因為佢身高只得5呎4吋，唔算特別高挑，但係都合乎一般標準。雖然上圍只係微乳程度，但係美臀夠圓夠挺又紮實，雙腿睇落亦夠修長，整體上吸引力不俗。
市橋直步出道於2010年，當時仲係讀緊高中，呢個時候直步就已經生得嬌俏可愛，所以就被藝能事務所Next Dream睇中。同年，直步就參加由Flash雜誌搞嘅Flash2011跨年式選美活動，阿妹成為30位初步候選名單其中一員，只可惜未能更進一步。不過咁亦無傷大雅，因為直步好快就被賽車女郎組織Super GT睇中，邀請成為小組Jim Gainer成員。不過，後來由於直步身子欠佳，冇幾耐就退出。養好身子之後，直步就開始向藝能界全力發展，演出唔少電視劇同綜藝節目，例如《大塊大塊摻蘇打水的加冰威士忌》，此外阿妹亦經常做舞台劇。隨住曝光率愈高，直步嘅演出亦愈來愈開放，就好似將於今年6月上映嘅電影《女之穴》咁，從花絮當中睇到阿妹擔正做外星人女主角，任務就係去到地球搵男人生仔，過程當中直步不停色誘男人，仲擘大雙腿引人犯罪，好色度真係爆晒燈！唔知佢未來仲會有幾好色呢？
市橋直步寫博客好似寫散文一樣咁多字，以抒發個人感受，大家不妨細味，感受一下直步嘅內心世界啦。
網址：http://ameblo.jp/nanananaoho/
年齡：22歲
身高：5呎4吋
三圍：31 - 23 - 34
撰文：賢