渡海濠情：性感女郎 幻想對象
新郎哥同深愛嘅人共諧連理，喺宴會當日眼中理應只有新娘子一個，但英國有網站調查指出，有兩成新郎會在宴會中對其他異性產生性幻想，而嚟自利澳水療嘅婷婷就話，咁以後去飲喜酒都要小心啲嘞！
不由自主
婷婷話：「你知啦！家陣去飲喜酒，新娘好似登台咁樣，一晚轉三、四次裝閒閒哋，連女性親友同埋啲姊妹們，個個都花枝招展，着得有咁性感得咁性感，所以我哋年輕囡囡去飲，唔想畀人睇低，有時都要豁出去，低胸露背迷你裙等戰衣一定唔少得，你鬥露時，我就鬥短，所以搞到成場女賓個個都鬥『晒冷』，想起嚟現場仲香艷過我哋公司嘅小姐房，相信係男人見到都會流晒口水，新郎哥有非分之想，我睇佢都係不由自主，絕對係情有可原！」
元氣大傷
咁你以後會唔會收斂一下呢？婷婷話：「收斂就一定唔會，事關呢啲場合輸人不輸陣，服裝首飾手袋等唔可以輸人之外，性感亦一樣唔可以輸，所以一係唔去，去親就要去到盡，由得啲男人性幻想定流口水好，一於唔理得咁多，但由於火併一次都幾傷元氣，置裝梳妝等都使唔少錢，所以以後都係少啲出席，除非唔去唔得嘅宴會，至出席同其他囡囡死過，至於成為性幻想對象，呢層真係無辦法，最怕佢唔去想啫！」
婷婷Profile
年齡：20歲
三圍：34.5-24-34
撰文：小德
攝影：阿程