渡海濠情：洞房花燭 變咗獨宿
新郎新娘舉行婚禮，當然希望可以洞房花燭啦，但據英國一份調查指出，每四對新人中，就有一對喺新婚當晚冇洞到房，而嚟自利澳水療嘅陽陽就話，有時真係身不由己！
手軟腳軟
陽陽話：「我未結婚，但就做過好多姊妹嘅伴娘團，我見啲新人為咗婚禮，由朝忙到晚，真係辛苦到不得了，見佢哋捱到返屋企或者酒店，好多時妝都未落，衫都未換，就咁瞓着嘅都大有人在；有人話接新娘、註冊、擺酒，睇落冇乜嘢，但原來當大家飲飽食醉之後，先至係戲肉，例如將酒樓嘅用剩物資搬走，呢啲工夫絕對唔簡單，如果一時冇搵人幫手，只得一對新人將所有嘢搬返屋企，搬完肯定手軟腳軟，唔好話洞房，連換衫嘅氣力都冇呀！」
不省人事
單係租嚟嘅禮服都十幾廿套，冇兩三個人都搬唔晒，陽陽話：「除咗攰影響到佢哋洞唔到房，有時新郎飲得太多都係無法洞房嘅原因，我去過十幾次婚禮，五個新郎最少一個被人灌醉到不省人事，更有一個斷片後走嚟走去唔知自己做乜，但近年除咗新郎被灌醉，新娘亦有唔少，我對上一次婚禮做姊妹，個新娘就被自己嘅同事灌醉，最後仲入埋醫院添，所以做親友嘅要幫手之餘，仲要咪灌新人飲酒，咁新人至可以洞房嘛！」
陽陽Profile
年齡：20歲
三圍：35-23-34
撰文：小德
攝影：阿程