雖然話食色性也，但係肚餓嘅時候，見到美女則未必可以醫肚，因為性慾同食欲根本係兩回事。不過，水着索女原愛實就成功地將兩者融為一體，因而發圍。
作為一個正常男人，相信大部分都無肉不歡，食飯一定要有肉先至開胃，睇鹹碟亦一定唔會揀個瘦骨嶙峋嘅AV女優。之但係大家日日食咁多肉，睇咁多肉，對於肉嘅知識有幾多呢？又分唔分到牛頸脊、牛冧肉，又或者牛荔枝以及牛波子呢？大家只要睇一睇原愛實身上嘅嫩肉就清楚喇。今年24歲嘅原愛實，雖然喺日本水着界唔算係咩靚女，大家第一眼唔會覺得佢特別標致，但係佢雙眼精靈有神，笑起嚟親切可人，總算不失青春甜美，勝在夠順眼。雖然阿妹佢樣子唔夠亮眼，但身材就一定足以吸睛，因為原愛實身上嘅肉地雪白又嫩滑，加上22吋嘅小蠻腰以及胸前一對34G美巨乳，令其身材呈葫蘆形，火辣得嚟仲充滿健康氣息。
原愛實唔似其他水着偶像咁，高中未畢業就被藝能事務所發掘去拍寫真，而係從工作中被發現。阿妹佢畢業之後去到一間知名連鎖烤肉店打工，佢態度親切又上進，好快就升到做副店長。由於阿妹服務態度一流，加上身材咁好，喺一次招呼藝能事務所負責人嘅時候，就被對方睇中，繼而被帶入藝能界。原愛實拍過嘅影視作品包括電影《爆乳支隊餡餅Ranger》以及電視劇《檢察官•鬼島平八郎》，不過都未能夠憑演出而爆紅。另外，原愛實除咗上圍吸引，雙腳亦夠嬌美，所以獲事務所安排成為美少女組合美腳支隊苗條DX嘅成員。阿妹雖然努力演出，但係星運卻未有咩大改善，之不過後來佢終於諗到辦法，就係運用前職業嘅專業知識喇。原愛實推出一系列名為《極上燒肉樂園》嘅短片，每一集阿妹都會作性感演出，大露其鮮嫩胴體，一邊介紹燒肉知識及教導大家點樣分辨牛身上不同部位嘅肉，例如介紹牛大腿肉就指住自己個屁股，將色同性兩者融為一體，認真好睇兼且夠晒吸引，阿妹亦因此而人氣急升。
原愛實平日除咗鍾意扮靚，仲鍾意四圍嘗試不同烤肉，想知道阿妹推介邊一間烤肉店，不妨上佢個博客睇睇。
網址：http://ameblo.jp/harachan-aimix/
年齡：24歲
身高：5呎4吋
三圍：34G-22-33
撰文：賢