假如做裸模只屬兼職，咁對比其他全職脫模咪偉大好多囉？事關得閒剝吓只為興趣，錢係其次，受唔受落阿妹都會照剝，好似Holly Gibbons咁，人人以為佢好恨剝衫賺快錢，事實佢係個執業鋼管舞教練，為乜剝？自戀囉！
Holly Gibbons波哋由頭到腳都咁弗，有人話上天唔公平，但當事人解釋一切都係靠自己，佢多年嚟辛苦從來無人知，自言天生肥底嘅阿妹，由細到大都被取笑為肥妹仔、麒麟臂、水桶腰、大象腿，全身肉騰騰，連社交都冇自信，更莫講話識男仔。成年後，阿妹不甘再被取笑，決心地獄式減肥，終於喺五年內由5呎3吋高、120多磅變到今日維持100磅，成個人弗晒索晒。Holly喺入行後一篇訪問中自爆嘗試過好多減肥方法，包括節食及喪做運動，但效果都不顯著，主要原因係被迫而減得唔開心，事後反而會喪食，得不償失。期間阿妹嘗試搵個人嗜好，發現跳舞令自己重拾真我，於是開始學習芭蕾舞、現代舞、爵士舞及鋼管舞，去到入大學期間已獲得第一階段專業鋼管舞教練資格。阿妹話一切得來不易，皆因為咗跳舞，跟過多位大師級鋼管舞高手學習，包括有Felix 、Alesia、Maxine Betts及Amy Richardson等，更於大學深造兩年之久，之後周遊列國以教授鋼管舞成名！
據網站資料顯示，Holly並非自吹自擂，喺2010年，阿妹重返倫敦生活，開設一間私人鋼管舞教室，由佢及另外兩位Level 4最高級水平教練一齊開班，同時招攬一批志同道合姊妹交流心得，猶如一間鋼管舞公會咁。
Holly亦曾喺世界各地鋼管舞賽奪得獎項，自奪走Miss Pole Dance 2011冠軍後，阿妹就減少參加比賽，由英國殺到過美國專心授徒，奇在忽然間，Holly又開始愛上裸體，先後喺歐美等地拍裸體寫真。據Holly解釋係同自戀有關，阿妹透露每次喺練舞室跳舞都會照鏡，習以為常連自己都被自己身材迷倒，為咗想證明有幾掂，決定放膽一試，以佢全天然32E-25-34靚偈，女人都想擁有，男人又點會唔鍾意呢？雖然阿妹得閒露兩手，但只要佢肯繼續，話唔埋有朝一日全裸過你睇都未定！
出生日期：1986年10月14日
三圍：32E-25-34
身高：5呎3吋
簡介：想跟Holly學嘢可以Click入去睇睇，入面有齊阿妹個人簡介及教練資格，但裸照就唔使旨意！想睇Holly表演，上YouTube輸入佢大名，即摷到大把阿妹Pole Dance，再唔係登入佢fb或Twitter，有唔少露點相睇o架！
網址：www.poleperformance.co.uk/
撰文：祖
1