巴打些牙：勤做愛抗過敏？

敏感症困擾唔少都市人，單係鼻敏感就已經令好多人苦不堪言，小弟就係其中一位喇！令人產生過敏反應嘅致敏原有好多，花粉、果仁類食物之外，精液亦會令女性產生過敏。根據一項調查顯示，有12%嘅女性會對精液產生敏感反應，經親密接觸之後，佢哋會出現紅疹、灼痛等不適感覺。不過，有專家就建議如果女士們知道自己對精液敏感的話，可以同男伴勤力啲做愛，最好係每隔48小時做一次，就會將敏感反應大大降低喎。計我話，身體有任何敏感反應或者唔舒服，都係睇醫生對症下藥為佳。