話咁快，第22屆冬季奧運會今日就閉幕，相信好多巴打都冇乜留意呢個歷來耗資最多嘅冬奧，若然問大家邊個國家奪得最多金牌，相信大部分人都係擘大口得個窿答唔出囉！講運動比賽大家冇興趣，咁等細佬講吓安全套啦！話說大會為咗一眾參與比賽嘅運動精英嘅健康着想，特別送上好多個安全套！消息指出喺冬奧期間，大會向每個運動員派發34個安全套，以今次參加嘅運動員約2,900名嚟計，所派出嘅安全套接近10萬個，比起2012倫敦奧運每人派12個安全套，多出2倍幾。之但係，細佬認為派咁多個邊用得晒吖，仲好唔環保囉！
撰文：賢