農曆新年假期，食肆同賭場要排隊入閘，勁呢？估唔到連走中國風嘅酒吧澳感廊（MacauSoul）同胞都唔放過。聽巴打講一心諗住過澳門避年，貪呢間酒吧環境優閒，另外英籍夫婦老闆從世界各地挑選多款紅白酒，一支平均250港紙有交易，抵！到夜晚仲可以聽吓Live Jazz同朋友吹水，爽死！可惜間舖喺正大三巴腳下嘅戀愛巷巷口一幢葡式建築物，個場走中國設計風格，中式大木頭桌椅，配上東南亞風布藝裝飾，夾起上嚟出奇地和諧，內地客又點會唔去觀摩一下呢？ 家陣咩節日都過晒，內地客應該都會抖抖，唔知幾時又會攻陷，趁有時間好快啲過去享受吓！