最近香港又冇活雞食，想食新鮮雞，就惟有過馬交。嚟到馬交自然先沖個涼，所以我就上咗大富豪桑拿，浸完大池，正想上房揼骨，但走過大廳，突然傳嚟辛辣香味，原來佢哋大廚採用新鮮走地雞，再配以正宗四川風味，炮製川辣雞煲，因為約咗老相好，所以話咁快就衝番落嚟試吓個香辣雞煲，經理話我時間啱啱好，由於太受歡迎，所以只剩最後一份，於是叫佢拿拿臨整埋畀我，等咗五分鐘左右，香噴噴嘅雞煲就出現眼前，嗰陣辣味真係成個大廳都香晒，而且個煲滋滋作響，真係未入口先興奮，先整件雞髀肉一咬，肉鮮味濃，而且辣味豐富，由麻至辣，層次分明，好食到唔停得口。咪以為只係雞件好食，連配菜嘅椒葱蒜都十分惹味，唔係得番最後一份，一定整多煲嚟歎吓！