脫星出書好平常，但勁到好似Shy Love咁連續推出兩本書都登上Amazon銷售榜冠軍，就真係未見過！呢位德國中女脫星話就話仲喺四仔界打滾，查實年幾都未見過佢有新四仔出街，甚至裸體寫真都少之又少，奇在佢喺四仔界仲有影響力，睇過佢推出嗰兩本書就明白晒！一本書名叫《How to Catch a Kitten》，教男士點樣成功溝得女神歸；第二本書名叫《How to Land a Rich Man》，教女士們點樣釣金龜！呢兩本書集結咗多位四仔界猛人，包括Jenna Jameson、Traci Lords及Ron Jeremy等經驗而著作，而Shy Love更憑個人釣金龜經驗教姊妹實用方法，咪睇佢細細粒冇乜腦，做脫星期間，已嫁咗畀富二代，家陣已經係兩子之母，同時Shy姐擁有雙碩士及一個學士學位，更係執業會計師一名，佢講嘅嘢你唔信，信邊個先？