早前有位英國女教師見南非嘅R36號公路長年失修，路面上出現多個大水氹，從正常途徑投訴竟然冇人理，於是佢諗到一個別開生面嘅投訴方法，佢攞條毛巾、浴帽同皂液等裝備去到公路，然後脫下衣服戴上浴帽坐喺水氹內沖涼，仲一邊沖一邊歎紅酒，鬼咁享受，而同行友人就將此情此景拍低，並將相片放上網，起初佢哋只想地方政府關注一下，點知引嚟多間媒體爭相報道，令呢單小小鄉間事件，引起全國關注，最後連負責交通嘅官員都要出嚟答話，保證加倍關注全國嘅公路安全情況，Miss呢招洗白白果然奏效，犧牲色相都係值得嘅！
撰文：小德