宅男天地：戀愛妖精

每年3月至4月係日本櫻花盛放嘅季節，不但係賞花嘅最好時機，亦係男女示愛嘅最佳日子，因此唔少十八禁電玩都鍾意食住個勢推出戀愛遊戲，好似《戀愛綻放櫻花時》就打正旗號喺櫻花盛放時談一場轟動嘅戀愛。故事講述就讀美颯學園嘅男主角淺葉悠真，平時專為戀愛男女出謀獻策，亦因而令一眾女生愛上佢，甚至有人提出「邊個能成為淺葉悠真嘅戀人，就可以得到獎金」。之不過，悠真一直對愛情提唔起興趣，直至一位自稱戀愛妖精嘅少女出現，將悠真嘅戀愛命運改變。