鹹趣濠江：昔日白眼塘風月

清末嘅《鏡海叢報》有一篇關於澳門妓院嘅報道，題為「西兵不法」，話說有人去白眼塘嘅妓寨幫襯，入到去正準備先食大煙，然後嫖妓時，突然聽見軍靴嘅急步聲，一名西兵（應該係當時嘅葡國兵）闖入。西兵見全院滿座，大發雷霆拔出配刀，客人未及反應，佢就做出驅趕動作，於是一眾嫖客被趕出妓寨，之後西兵當然獨享妓女服務，而妓寨已暗中記下西兵嘅番號，但因為怕招惹麻煩，所以不願鬧大，最後自然不了了之。