出嚟玩最怕囡囡送你「咖喱雞」，即係喺你身上吻下一個小印記，呢啲「咖喱雞」冇三五七日都唔會褪，有老婆女友嘅朋友就最擔心，因為鐵證如山，想唔認出嚟玩都唔得，就算單身寡仔，有時畀朋友見到，亦會笑到面黃，雖然呢款「咖喱雞」不太討好，但澳門街嘅正統「咖喱雞」就大受各界友好嘅歡迎。好似日前上咗大富豪桑拿捧場，一入場就聞到濃香咖喱味，唔知仲以為自己身處南亞地區。原來大廚今晚安排咗南洋咖喱雞，以煲仔上，夠晒特色又能保持原汁原味，於是整個試吓，煲蓋一打開，香味四溢，由於係南洋風味，所以椰汁味特濃，咖喱香滑仲帶有清甜口感，單係個汁都巳經值回票價，再整啖雞塊，大廚選用雞髀肉嚟炮製，啖啖肉之餘仲保持雞肉嫩滑，口感豐富，令人食欲大增，絕對值得推介畀大家。