假如Jenna Jameson係上一代脫星界女神，咁呢一代接班人相信係Jessica Drake喇！阿妹喺業界打滾多年，成為大廠Wicked Pictures嘅御用脫星外，近年更由脫星變身為性學專家，到大學開講座談論兩性關係，又出碟出書暢談性愛，上年底更勁到CNN網站搵佢做專訪，深入片場睇佢拍四仔。最近CNN有篇報道，題為「Jessica Drake Photo Blog Most Popular of 2013」，當中嘅評審團非常專業及廣泛，分別係四仔界知名攝影師Chris McPherson、色情雜誌編輯Abbey Goodman及多位製片人、導演以及性教育學者，喺洛杉磯經過三日投票而得出結果，評審認為Jessica個Blog資訊豐富，色情以外，更關注男女性健康，更唔介意公開私生活。事後阿妹當然話好開心同榮幸，會繼續努力改變廣大市民對脫星嘅壞印象喎。