日本AV作品題材繁多，為配合劇情梗係要搵不同場景拍攝。然而，多種場景當中，有一個泳池可以話係指定場景，9成水中交歡嘅AV都係喺呢度拍攝，最近就有採訪團隊直闖呢個充滿快感嘅泳池了解一番。
大概6、7年前，日本AV界出現競泳水着題材嘅作品。所謂競泳水着，即係一件頭泳衣，雖然冇三點式咁性感，但係夠緊身，將女優嘅玲瓏身材表露無遺。而拍攝呢類題材，當然要去泳池取景，不過唔係公眾泳池，而係一個位於東京新宿嘅室內游泳池，由於場地闊落又美觀，成為好多AV廠嘅指定拍攝場地。根據非正式統計，有超過380部AV喺呢個泳池拍攝，故被人稱之為「萬惡泳池」。早前有調查發現9成有睇AV習慣嘅男士，一見到呢個泳池都會認得出，可見其出鏡率相當高，令人熟口熟面。
而日本AV迷又叫呢個泳池做「例之泳池」，即係拍攝競泳水着題材嘅例牌場景咁解。雖然呢個泳池廣為人知，但係大家從來都唔知道原來泳池喺一間名叫「Hanazono Room」攝影工作室裏面，咁究竟呢個工作室除咗有泳池之外，仲有乜嘢設備呢？根據採訪團隊發現，工作室分上下兩層，當中有擺滿厚厚書本嘅雅致書房、一個有齊餐具同廚具嘅半開放式廚房，仲有一張擺有輪盤嘅賭枱添！另外，仲有三間單人房、兩間大浴室以及客飯廳等，絕對係人人夢寐以求嘅超級豪宅。採訪團隊將當日所見所聞都一一記錄低，並搵到AV女優初美沙希以及寫真偶像姬乃小玉做模特兒一齊去到工作室拍寫真，仲將寫真及資料收錄成書，而書名就叫做《例之泳池》，大家有興趣不妨買本嚟睇吓喇！
撰文：賢