早前英國有間性用品公司做咗個關於發春夢嘅調查，結果發現有四分之一嘅受訪者表示每星期發一次春夢。而春夢嘅定義，係於夢中與異性有親密接觸，包括接吻、愛撫、赤裸身體擁抱以及做愛。呢份調查結果公布之後，當地人冇乜反應，只當趣聞一則，反而喺內地就被人炒得十分火熱，而出力炒嘅竟然係全國各地主治男科問題嘅醫院，佢哋請嚟一批專家學者講解發春夢係患病先兆，例如臟腑可能出現問題。另外，佢哋仲話如果發春夢導致夢遺，情況就更加嚴重，要及早求醫喎！據講佢哋一輪炒作之後，真係有唔少男士去醫院檢查身體，當然若身體有唔妥，的確要去睇醫生至夠穩陣啦！