天氣寒冷，令人特別想食啲辛辣嘅食品，而講起辣，湖南菜就真係當中嘅代表。前兩日上咗大富豪桑拿，心諗冇乜特別嘢想食，突然一股撲鼻辣味飄來，即時令人醒晒，於是捉住經理問佢廚房又搞啲乜嘢新花臣，佢話嚟咗個湖南籍大廚，佢嘅湖南菜絕對唔講得笑。問佢有乜好介紹，佢就拍晒心口話一定要試吓招牌菜「湖南小炒肉」。於是心思思叫佢整份試吓，五分鐘後即叫即炒嘅小炒肉就喺眼前，剛才撲鼻嘅辛辣香味，今次直衝大腦神經，令人即時食欲大增。之後來件小炒肉試吓，發覺特別好食，有好濃厚嘅豬肉香味，原來師傅係選用家豬肉嚟炮製，所以肉味特濃，配埋青椒同埋秘製香料，食落零舍不同。加上師傅控制火候真係啱啱好，唔似坊間一啲食肆，將炒好嘅肉回鍋再炒，所以效果完全唔同，絕對值得推介！