渡海濠情：剪紙工藝 索女盡發揮

乾柴烈火

雪兒：我小學時候鄰居嘅老爺爺好識得剪紙，我覺得用紙同鉸剪就能夠剪出漂亮嘅圖案或者年畫，覺得非常有趣，所以一到假期，我就會跟佢學剪紙技術。

菲兒：我就跟男同學學嘅，佢嘅親爺爺據講係剪紙界嘅藝術家，喺老家好有名，我男同學就係用佢爺爺個名嚟吸引我，見有大師教剪紙喎！我咪跟咗佢返屋企囉！

雪兒：九成係去屋企，佢爺爺就啱啱唔喺度，於是佢就捉住你對手仔，一邊教，一邊談情說愛啦！跟住兩人年少氣盛，喺乾柴烈火下，你就交咗學剪紙嘅學費啦！

菲兒：你咪咁心邪啦！我上到去真係咁啱爺爺唔喺度，所以我個同學咪教我啲基本功囉！我哋不知幾正經，乜嘢都冇做過，第二日佢爺爺返嚟，再跟佢學咗兩招！

雕花刻字

雪兒：學識剪紙之後，每年過春節我就十分受歡迎，特別係啲男同學，佢哋為咗溝女，所以圍住求我幫佢哋剪啲特別圖案，我每幅收十蚊都不知幾和味！

菲兒：我就冇你咁有商業頭腦，只識得幫屋企人同親友剪，佢哋斗零都冇畀過我，但我見到佢哋屋企貼咗我剪嘅剪紙後，滿足感已經攞足一百分！

雪兒：但你有冇發覺，我哋剪紙功夫愈叻，就愈冇異性緣，我連續幾年都搵唔到男朋友過情人節，後來有男仔話畀我知點解？原來啲男仔都怕咗我手上嘅鉸剪！

菲兒：咁又係，男仔最怕女仔攞起鉸剪，而且我哋仲可以雕花刻字，點都有啲擔心，但其實男生們只要真心對自己嘅女朋友，就算揸乜嘢武器喺手都唔使驚嘅！

雪兒 Profile：

年齡：21歲

三圍：37-25-36

撰文：小德

攝影：阿德