本地樂壇已經有兩個頒獎禮順利完成，而日本AV界早前亦有一個頒獎禮圓滿結束，就係由AV廠SOD舉辦嘅SOD大賞，結果由上年大獎得主紗倉真菜成功冧莊！
已經成立18周年嘅AV廠SOD，每年都會舉行頒獎典禮，雖然幾乎次次都係頒獎畀自己人，但係由於SOD本身多女優又多作品，故獲得唔少傳媒同業內人士支持，而頒獎禮嘅規模亦絕不失禮。早前第64屆SOD大賞已順利完成，呢次S廠仲移師到一艘名為交響樂號嘅豪華賭船上舉行，當日衣香鬢影，出席嘉賓多達500位，當中除咗有好多係AV界業內人士，仲包括極有分量嘅男藝人竹內力以及知名女主持中島美和子等等。
女優方面，包括有大槻響、友田彩也香、成瀨心美等非專屬女優都有登場做表演嘉賓，而出身自SOD、家陣已轉投KMP嘅美魔女一条綺美香亦盛裝出席。至於SOD嘅專屬女優，麻生希、古川詩織、吉川愛美、白石茉莉奈以及紗倉真菜等，以一身高貴又華麗嘅打扮現身支持。當日頒發咗唔少獎項，年度優秀獎得主包括有成瀨心美、吉川愛美、白石茉莉奈以及一条綺美香；最優秀女優獎得主有3位，分別係紗倉真菜、麻生希及橘梨紗，不過紗妹因為已經引退而缺席。紗倉真菜嘅出道作品《AV Debut》就獲得SOD大獎，可以話贏到開巷。至於由SOD宣傳部職員兼任AV女優嘅淺野惠美就獲得「SOD作品第一萬部獎」以及女優特別獎，恭喜晒！
撰文：賢