情趣用品自動售賣機

據英國網站報道，意大利東北部一個叫Casara小城鎮嘅火車站內，擺放一部情趣用品自動售賣機，因而引起當地居民反對。有指呢部機售賣嘅用品包括震棒、震蛋、潤滑油、安全套以及情趣內衣等，產品齊全，猶如一間性商店。本來當地居民對於售賣安全套都無所謂，但涉及床上性玩具而冇任何年齡限制，即係話細路仔都可以買得到，結果激發起班家長群起反對，要求即時拎走部售賣機。之但係你有你反對，售賣機公司嘅發言人就向傳媒表示，係絕對唔會屈服收番部機。查實呢件事解決方法好簡單，喺售賣機加番個年齡認證，咁咪道德高潮齊齊有囉！