模影模蹤︰宮澤佐江 人見人愛

青春健美

好多師兄追女仔有兩個重要要求，一係樣靚，二係走肥。班師兄表示凡人愛美，追求靚女係必然，至於走肥唔係因為肥妹身形唔靚，而係認為女仔之所以會肥，除咗因為大食，仲因為懶！同佢哋一齊肯定家務都要幫佢哋做埋，上到床亦同樣要全程主動服侍。是以，見到宮澤佐江呢位前AKB48成員，就一定要搶搶搶，因為咁健美就知佢充滿活力，為人好動又夠主動啦！23歲嘅佐江出道多年，但家陣個樣仲係保持相當稚氣，笑起上嚟天真開朗，扁起個嘴仔又凸顯出一份調皮鬼馬，真係好得人鍾意。除咗樣子同笑容吸引，佐江一副身材勻稱而結實，好明顯平日勤做運動而唔係好食懶飛，甚至可以話係戰鬥格！

群女愛戴

2006年宮澤佐江參加AKB48嘅面試，可惜表現緊張而落選。不過，阿妹嘅意志同其胴體一樣咁「堅」，於是再次面試，果然畀佢贏得賞識，成為AKB48嘅K隊成員之一。成為呢個超人氣組合成員嘅佐江，憑自己嘅努力而漸漸打響名堂，得到好多演出電視劇同電影嘅機會，電視劇《正確的王子製作方法》就係其首登電視螢光幕之作。佐江人氣日漸增強，2011年仲喺香港搞咗個照片展添。另外，當阿妹佢脫離AKB48，轉而成為SNH48成員之後，演出機會亦有增無減，上年10月就同其他隊員去到上海演出舞台劇《最後鈴響》。人紅咗，阿妹卻唔似其他女星咁愈來愈寸，反而深得大家愛戴。據聞佐江無論喺台前定幕後都相當有禮貌，同隊友以及工作人員都相當好傾，對隊友仲照顧有加，所以冇人會講佢壞話又或者表示唔鍾意佢。喺「AKB48 第22次單人拔選賽」當中，主持人德光和夫仲話佐江集「大體、照顧、關懷」三個優點於一身，若然問和夫未來新抱最好係邊個，佢話首選一定係佐江喎。

個人博客

宮澤佐江工作時一得閒就同其他同事玩自拍，想知道阿妹同其他女藝人喺幕後有乜玩，睇吓佐江有幾鬼馬，可以Click上佢個博客。

網址：http://ameblo.jp/miyazawafamily/

宮澤佐江 Profile

年齡：23歲

身高：5呎6吋

三圍：31-23-34

撰文：賢