最近日本右翼媒體多次發聲明譴責5名日本人係「賣國賊」，5人包括喺內地發展嘅演員矢野浩二、政治人物鳩山由紀夫、歷史學家井上清、漫畫家宮崎駿以及大家都好熟悉嘅AV女優蒼井空，評批佢哋嘅原因，不外乎話佢哋言論親華。而內地網友就個個幫住蒼井空講好說話，話佢唔係賣國賊，喺相關嘅討論區，短短幾日就有近萬條留言，唔係鼓勵佢，就係安慰佢，甚至叫蒼井空索性嫁嚟中國，一於出嫁從夫，以後唔返日本，咁就唔算賣國喎！至於蒼井空完全冇回應，只專心準備聖誕同除夕一連串嘅商演活動，咁又啱嘅，搵錢大過天，理得人講乜嘢吖！
撰文：小德
香港嘅髮型屋一般係由男髮型師替客人剪髮，而洗髮及染髮部分就交由女髮型助理負責。不過，外國就唔同，好多髮型師都係女人，波蘭有一間髮型屋清一色係女髮型師，佢哋更只穿着內衣，真係春色無邊！最近，美國科羅拉多甚至有全裸剪髮服務出現添！據消息指出，一個叫Suzette Hall嘅女人同拍檔經營髮型屋，當收取客人45美元後，佢就會剝光豬幫客人剪髮，期間更會跟對方斟酌性交易。不過，近日佢就被當地警方拘捕，而Suzette Hall嘅面貌亦因此登上當地報章。從照片上睇，發現Suzette嘅相頭完全講唔上靚女，但就吸引唔少男客人幫襯。而更有趣嘅係，警方只係控告佢無牌經營髮型屋，並唔係控告佢賣淫囉！
撰文：賢