家陣嘅女仔除咗揀男友要求高，揀食物一樣要求多多，除要低脂、低糖、少油、少鹽之外，仲要冇激素。不過，日本水着妹池田朱古力就唔同意，因為佢係一個激素愛好者，可以話係唔激唔食！
小弟我一向都好為食，每次出街食飯都要大大碟，大啖大啖咁食先覺得過癮。之不過，近年興瘦身，好多約到出街嘅女伴都甚為少食，所以同佢哋用餐認真冇癮。如果，佢哋可以好似池田朱古力咁你話幾好呢？我鍾意佢唔單只因為佢個名同食物有關，仲因為阿妹佢大食又唔挑食。22歲嘅朱古力年輕貌美，長長又烏黑嘅秀髮，配合其明艷照人嘅面孔極之吸引，更加襯托出一種獨特嘅俏麗秀雅氣質，加埋天真純潔嘅微笑真係殺死人呀！阿妹嘅身材同其面孔一樣，清清地冇多餘雜質、纖巧之餘都叫做有胸有腰，屁股又翹，肌膚仲好似雪一樣咁白，為身材大大加分！
池田朱古力讀大學嘅時候，其美貌已經備受注目，期間就被人發掘去做東京遊戲展嘅Show Girl，到2011年更被藝能事務所睇中，簽佢做藝人，畀佢演出電台節目《Pakkun Egg》。今年，阿妹嘅演出機會仲愈來愈多，更首次參與電視演出，作品包括《殺人之蜂王》以及《戀愛的Coming Out》。有戲拍固然忙碌，但係阿妹亦抽空參與公益事務，因為佢係團體「姬Re-apricot」嘅成員，經常同隊員時東愛、高山未帆等美少女參與防止罪案嘅宣傳演出，阿妹仲曾經擔任過新宿警署嘅一日署長添。近期，朱古力就忙於參與一個叫做《美食Reporters》嘅藝能界活動。事實上阿妹表示過自己食量都幾大，朱古力就係佢最鍾意嘅食物之一，所以至以此為藝名，但阿妹話比起朱古力，更喜愛充滿激素嘅食物，特別係牛內臟喎！
池田朱古力一得閒就會四圍吃喝玩樂，每次玩完食完都會將拍低嘅照片上載，想知道阿妹最近去邊度搵食，就要上佢個博客喇。
網址：http://ameblo.jp/chocolat-ikeda/
年齡：22歲
身高：5呎2吋
三圍：32-23-33
撰文：賢