渡海濠情：相親航班 美女如雲
內地有間航空公司搞咗個「相親航班」嘅活動，只要訂機票時表明係單身，航空公司就會安排一位同樣單身嘅異性坐你旁邊，你哋就把握時間盡情發揮，嚟自凱旋桑拿嘅琪琪就話，如果有優惠佢都會報名！
好處多多
琪琪話：「我經常都飛嚟飛去，雖然內地機程一般只需個零鐘頭，但有時坐喺旁邊嘅係個大嬸或者阿叔，你都會幾無癮吓，有時整件細路仲煩，所以如果航空公司可以安排單身異性坐喺旁邊，又真係幾盞，一來可以聊吓天，二來啱傾嘅仲可以交個朋友，三來個男仔全程一定會照顧得我妥妥當當，要杯水都唔使自己出聲，當然單身異性亦有樣衰口臭乞人憎嘅，但比較上少，就算萬一唔好彩遇上，咪最多扮瞓覺囉！一啲損失都冇！」
提供優惠
琪琪仲有好多嘢講：「如果年輕嘅單身女性報名，機票上可以享受特價優惠嘅話，相信效果會更好，因為年輕嘅女性經濟能力有限，如果用優惠吸引佢哋，一定會蜂擁而至，而男生知道公司多年輕女性乘坐，佢哋亦會走嚟捧場，等同的士高嘅女士之夜，女生入場免費或者有優惠，女客一多，男客自然湧嚟，到時生意想唔火爆都幾難，所以呢個計劃想再成功啲，一於推出優惠畀年輕女乘客啦！」咁有商業頭腦，真係服咗你啦！
琪琪Profile
年齡：20歲
三圍：34-23-34
撰文：小德
攝影：阿昌