日本嘅特撮戰隊劇集相信唔少朋友都睇過，甚至為之着迷，好想可以成為其中一名隊員，同壞人戰鬥以及乘坐戰車戰機。唔怕同大家講，以前小弟我睇戰隊劇集都有好多幻想，但唔係幻想自己做隊員，而係想親一親戰隊當中嘅黃戰士或粉紅戰士，無他嘅，差不多成套都係得佢哋係女主角，而且佢哋一變身之後就換上緊身衫，的確係幾誘惑！青春嫩口又俏麗嘅小宮有紗咪就係其中之一囉！
今年19歲嘅有紗三年前開始踏足藝能界，佢其中一套出色嘅作品就係《特命戰隊》喇！有紗佢喺劇集當中更係扮演黃戰士，絕對唔係二打六。有紗妹最近就推出寫真集《有紗》，當中阿妹雖然唔算太暴露，但係短褲仔、小背心，加上本身青春活潑，散發嘅健康性感一樣能夠令人着迷，而且仲感受到一股無比清新空氣添！
售價：約HK$222
撰文：賢