賽車場上嘅賽車女郎好多都身材高挑誘人，形象同打扮都比較成熟，不過係咪代表冇蘿莉系女仔，可以成為賽車女郎呢？非也，非也！有賽車公主之稱嘅濱田翔子，咪就係可愛蘿莉系女優囉！
家陣好多女仔，廿幾歲就已經變得好成熟，就以日本AV界嘅女優為例，唔少只係廿六七歲，因為女人味漸濃而要改變戲路，拍攝輕熟女系列。不過，又有好多例子係愈演愈後生，好似熟女天后風間由美咁，就曾經扮過孖辮妹一顯青春活力，而水着界嘅濱田翔子亦係長期保持青春可愛嘅最佳典範。27歲嘅翔子對於好多有睇日劇嘅朋友應該唔會陌生，其俏麗嘅面孔，稚氣未消嘅天真蘿莉系氣質，每每令人一見就留下深刻印象。出道迄今已經有十一年嘅翔子除咗童顏不變，身材亦一直都保持苗條，胸前嘅C-Cup美乳以及圓潤彈手嘅美尻亦有其迷人之處。
翔子加入藝能界嘅經過都幾有趣，喺2002年嘅時候同阿妹同阿媽去東京某主題樂園玩，回程嘅時候就搭電車，突然有個男人向佢搭訕，翔子仲以為係電車癡漢，後來至發覺佢原來係藝能事務所嘅星探，邀請佢做模特兒。翔子其實好早就已經有意加入藝能界，原因係佢好崇拜當時嘅青春偶像小倉優子。翔子做模特兒同時又做賽車女郎，其可愛形象加上迷人笑容令車迷同龍友都為之着迷，所以有賽車公主嘅稱號。後來，翔子順利爭取好多幕前演出機會，今年嘅作品就包括古裝片《百地三太夫之逆襲》喇。最近，翔子除咗忙於拍電影同電視劇，仲忙於訓練師妹們，因為佢係日本職業棒球活動Art Race當中四個小隊之一「Red Pumps」嘅監督，負責指點一班師妹同其他水着妹比併，其口頭禪「努力！加油！」相信成日都要掛喺口邊喇。
濱田翔子最近忙於訓練班師妹，雖然係忙但就好開心，大家只要睇佢個博客就知道喇。
網址：http://ameblo.jp/shoko-hamada-blog/
年齡：27歲
身高：5呎3吋
三圍：32-21-33
撰文：賢