渡海濠情:一擲千金索女嗌冧

據意大利稅務調查報告指出,有官員今年頭十個月,就使咗二十億歐元喺睇脫衣舞、美食同購買珠寶上,嚟自9號會所嘅小倩就問,點解唔花喺佢嘅身上呢?

遇上了他

小倩話:「唔知係咪我條命太過正義,永遠都同呢啲大官擦身而過,記得兩年前,我同個姊妹齊齊做騷女郎,以我哋嘅姿色,真係艷壓全場,幫公司賺咗唔少錢,後嚟老闆請我哋去慶祝,席間就畀我哋識到一個大官,同事話佢有大把錢,而且十分風流,於是我同姊妹咪過去敬酒囉!當時玩得不知幾開心,之後佢仲約咗我哋去唱K添,但十二點零鐘左右,佢就話明天有公事要早點離開,點知過咗一星期左右就收到通知,我個姊妹做咗佢嘅小三呀!」

接受唔到

咁都輸畀人?小倩話:「咪係囉!於是約個姊妹出嚟,點知佢同我講,家陣住豪宅、坐房車、着名牌嘅生活,佢真係接受唔到囉!咁都接受唔到,我真係畀佢激死,於是我話你幾時撇佢,就通知聲我,等我執二攤都好吖!過咗半年佢通知我終於撇咗個大官,於是我咪打算出手囉!點知第二日去搵佢,佢就被人拉咗!點解好運永遠要同我擦身而過呢?所以命中注定平平淡淡做人,一擲千金喺我身上嘅生活,相信只有喺夢境裏發生!」

小倩Profile

年齡:21歲

三圍:33-24-34

撰文:小德

攝影:阿昌