同事們在辦公室吵個鬧哄哄，原來又是為了一些尚未打格仔的鳳姐照片在起哄，這次是因為真人露了相的囡囡把大家弄得如此雀躍，還是有其他原因？「我肯定佢係XX，我十幾年前同佢返過一間場，嗰陣我係經理，佢剛剛出來做女，係啦，一定係佢。」這位中年編輯出身夜場，是一個改「邪」歸正的人辦，「做咗咁多年都未上岸？唔係啩！」另一位記者說，「明明就係XX，我無可能睇錯，佢係正宗陀地妹，唔靚女，不過勝在身材唔錯又腳長長，所以都有啲客o架。」
但後來中年編輯離開該夜店，就沒有跟XX再聯絡，「其實入得呢行有幾多個咁好彩可以搵夠離開，又或者嫁人埋街食井水吖，十個都無一個啦，其中大半咪畀市場淘汰，剩番落嚟嗰啲，兜兜轉轉，喺個行頭出出入入，我都見唔少啦。」但他還是禁不住搖頭嘆氣，「計一計數，XX細我少少，今年一定過四十歲，依家做鳳姐，過幾年，都唔知點算。」記者立即回應他，「又唔使咁擔心嘅，話時話吖，依家啲上樓骨、指壓妹，年過四十都大有人在啦。」
撰文：黃韋龍