日本取得2020年奧運會嘅主辦權，而喺申奧片段中，有段對白講會「真心」招待全球來賓，於是真心兩字一時成為潮流用語，而當地有間胸圍公司就食住條水，推出「真心」胸圍，設計上同其他胸圍無異，只喺胸前一邊繡上「真」字，另一邊就繡上「心」字，而喺中間連接位就加上一個雙掌合十嘅布藝裝飾。設計師話希望到時大家都能「真心待客」，有內地網民忽發奇想，日本有乜嘢行業要露出胸圍嚟招待客人呢？冇錯！就係色情行業，要數日本服務行業中，每一行業都十分專業，但色情行業就經常遭人投訴，話好多夜店都唔招待外國人，今次整件「真心」胸圍出嚟，唔通想改變作用，廣迎天下客，係就好啦！